أخر المواضيع

رواية شهوة ام حب ( روايات ليبية ) كاملة - الفصل الثانى

\"رواية

رواية شهوة ام حب ( روايات ليبية ) كاملة
للكاتبة : ميلو حسن
عندما يكون لديك شك بأن الحب الذي أمامك اما ان يكون ( شهوة ) او ( حب ) فماذا ستتصرف ؟
رواية من داخل المجتمع الليبي 🔥

رواية شهوة ام حب ( روايات ليبية ) 

#شهوه_آم_حب 🔥 الفصل الثانى

ورد:تفتح في عيونها ببطئ وتحاول تجمع هيا وين وكانت الصوره مش واضحه وكانت تبي تقيم راسها بس حست بتعب
فريده:وررد وينك قلبت عليك الدنيا
ورد:بصوت تعبان….رااسي
فريده:خيرك شنو في احكي؟
ورد:على طول اذكرت اخر شي صار معاها !
قبل ساعات :-
ورد:شفت يدين يخبطو ع مرش سيارة  وفي سيارة مالك تنهدت بقووه وكنت نبي نطلع نشوف مالك وين لكن فاجئه حسيت في حد جي ورايا وسحبني من رقبتي وحاط يده ع فمي ونا حاولت نعيط بس مقدرتش ندير شي لكن
فريده:لكن شنو ؟ اذكري بسررعه
ورد:اففف اسكتي شوويه خليني نذكر
فريده:بحييرة …اوكى اوكى !
ورد:اذكرت انها شمت ريحة مالك …بلعت ريقها بصعوبه!
فريده:لو اذكرتي شي احكيلي انا اختك!
ورد:تشوف لعيون فريده وكان السؤال الي يدور في راسها لو حكيت لفريده راح توقف العرس؟
فريده:ورد احكي شنو في متخوفينيش؟
ورد:احووو احوو
فريده:استندي عليا خلينا ندخلو لدار وبعدها فكري براحتك!💔
ورد:ريحة مالك عالقه فيها ومش قادره تنسا اخر موقف صار معاها !
مالك:غبي كيف تخلاها برا الغرفه  شنو فهمتك انا ؟
تيسير:اول ماحطيت ع فمها المنوم حسيت في صووت قريب مني حطيتها ومش عارف حتا كيف طلعت حوشكم تحسه كل وحوش
مالك:قام حواجبه بغل ….كيف حطيتها يعني؟
تيسير:متخافش حطيتها بهدووء مرتكزز 😂😂
مالك:ملامح وجه تغيرت وكان الحزن واضح ع وجه!
مالك:تخطى خطوتين وبينه وبين نفسه وغمض عيونه بغل….ورد سامحيني انشاءالله تكوني اليوم كرهتيني وتتصرفي اي تصرف ينهي علاقتنا قبل زواجنا🔥
تيسير:قعمز ع كرسي وحط رجل ع رجل…ممكن تفهمني لشنو تبي توصل انتا؟
مالك:رجعت البنت لي اهلها ؟
تيسير:ضحك على جنب ….اي شي طبيعي رجعتها …بس نبي نفهم لشنو تخطط انتا بزبط؟
مالك:بصووت هادي…نبي نتأكد أنه حبي لورد شهوه أم حب ؟
تيسير:هههههه قلتلي تبي تعرف حبك ليها شهوه أم حب ؟ وبطريقه هادي يعني ؟
مالك:نفخخ دخاااانه وعيونه ع سسقف للحضه هادي محسيتش بحب اتجاها نهائيا!
تيسير:له له وكل المخططات تبي تخووف ورد منك؟
فريده:قصه غريبه صارت معاك قصدي من الي فكر يدير هكي ومن البنت الي في سياره ومع مالك ؟ بحركة تعجب نتوقع تكوني حلمتي ورد؟
ورد:علامات الهدوء على وجها….ممكن!
فريده:يا انتي تحلمي يا انتي داسه عليا شي صح؟
ورد:بلعت ريقهاا…..لاااا انا حلمت ولا داسه عليك شي اني نسيت ومنذكرش في اي شي 💔
فريده:معقووله!
مالك:مش قصة خوف مني ورد تستاهل شخص احسن مني !
تيسير:يعني انتا تحبها وتبي مصلحتها؟
مالك:حب كونها انسانه كويسه وتستاهل كل خير بس قلبي اتجاها واقف حاولت السنين كلها نحبها ونبعد ع هلبا حاجات مقدرتش
تيسير:ممكن انها ضعيفه قدامك ؟
مالك:تلفت ع طول وشاف لي تيسير…شنو قصدك؟
تيسير:البنت حلوه هلبا مالك…احتمال كبير اول ماتشوف روحها عليك وتنهيك من حياتها راح تحبها !
مالك:مش لعبة شطرانج هيا !
ورد:طفي الضي بنرقد فريده!
فريده:تمام ارقدي لكن الصبح يستنا فيك التحقيق وفي بدل ماتفكري في مالك فكري كويس في الي سحبك من رقبتك..وخدت بعضها وطلعت!
ورد:🥺🥺
مالك:نا بنرقد ساعتين وتلفوني لو رن نوضني
تيسير:ولو أتصل بيك محمد؟
مالك:متفكرش ثواني نوضني ع طوول !
تيسير:خدا جهاز التلفزيون من على طاوله…تمام !
مالك:خدا نفس عميق ودخل لداره!
خلوني نعرفكم ع تيسير
تيسير هدا صديق مالك المقرب يتحمل في كل شي واكتر انسان فاهم مالك من حركة حاجبه يفهم شنو يبي نوعيته ذكي هلبا ومساعد مالك في اكتر من مشكله هدا ليش مالك يعتمد عليه في اي شي ونسوونجي دررجه اولى شبه هوا الي خلا مالك يدخل في الطريق هادي وجووه كووميدي وبااااارد هلبااا🤷‍♀️
جماله ع الاسمرر ويحب يتمررن هلباا!

رواية شهوة ام حب ( روايات ليبية ) 

🔥مـــيُـــلــو حــــسسـٰـــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥


تاني يوم الصبح:-


نهى:رشفت رشفه من القهوه....تعرفي ي ماما !
منيره:انعم!
نهى:انا وأنتي نعرفو كويس انه مالك ميحبش ورد ومش طايقها نهائيا صح!
منيره:بلعت ريقها....وعادي مش حاجه كبيره اول ماتبدا مرته راح يحبها!
نهى:قلبت عيونها بدلع.....لا يا ام مالك انتي عارفه ولدك كويس واكتر من مره طلب منك تفسخو الخطوبه وانتي رفضتي بحجة انك راح تغضبي عليه!
منيرة:😨😨😨
نهى:حطت فنجان القهوه ع طاوله...مش حرام عليك تضلمي بنت خوك ليتيمه!
منيرة:اءءءء
نهى:بصووت مليان استفزاز...ردي بالك تقولي علشان مصلحتها ومن لكلام هدا...لأنه انا
منيرة:بلعت ريقها بخووف...ادوي انتي شنو الي تبي تعرفيه بزبط؟
نهى:نختصر يعني😊
منيرة:مش وقت كلام نهائيا ع هدا الموضوع توا الي صار صار اهم شي مالك وورد مازال يوم واحد بس ويكونو مع بعض!
نهى:وربي ضلم
منيرة:ضلم شنو وهيا متزوجه مالك الي يتمنوه بنات العالم كله!
نهى:ههههههههههه هههههه ......مالك الصايع الي لا مخلي لا تونسيه ولا مصريه
منيرة:تلفتت وراها...اسسسس ي حيوانه لو يسمعك حد منهم تعرفي شنو يصير؟
نهى:هيا هيا تستطفلو كلكم ع بعضكم وورد الباين تحبه وساكته على كل شي وخدت بعضها وركبت فووق!


ورد:طلعت من الدوش ...قعمزت قدام لمرايا ....علاش ساكته لليوم ياورد وانتي تشوفي في اسوء الاشياء منه ومتحمله ليش!معقوله هدا كله حب فيه ؟ وكرامتك وين؟ معقوله حتا قرب موعد زواجكم وهوا يغلط ومفكرش حتا يتوب ع خاطرك وركزت في عيونه شوويه! باهي ليش دخل لداري وسحبني بقووه وبعنف ؟ ع اساس بنسكت وله شنو ؟ ع شنو ناااوي يامالك ؟
فريده:وررد ورررد وررررد
ورده:تنهدت بصدمه!...خخيرك؟
فريده:قعمزت ع سرير ...الباين فكرتي كوويس صح!
ورد:اءءء حولت المنشف من ع راسها ببطئ
فريده:ورد انا عارفاتك ومتاكده انه الي سحبك هوا مالك وأنتي عارفه القصه كلها ! فالهدا احكي خير مانتصرف بطريقتي
ورد:ناضت ولوحت المنشف بقووهه هوا اي هوا نا شميت ريحته منعرفش ليش دار هكي بس مليييييت ومليييت هلبااا منه
فريده:دموع في عيونها ....خلاص انا عندي حل باش تنتهي المهزله هادي كلها!
ورد:حاطه يديها الاتنين ع وجها ....متقوليش ننفصل عليه فريده؟💔
فريده:قراري هوا الي راح يتنفذ وبدون ماناخد رايك اصلا !


ترن ترن ترن :-


مالك:لووح الدخان وبصوت هادي....الووو
تيسير:ايواا مالك
مالك:هوا انتا الي نفختلي راسي شنو في ورقم من هدا ؟
تيسير:انا كيف طلعت من المطار حضك بعد يومين في طياره ماشيا لي امريكيا
مالك:حلوو احجز تذكرتين
تيسير:لمن وله ناوي ترفع رغد معاك
مالك:اي وشن رايك انتا؟
تيسير:تخفف في دمك هلبا بديت
مالك:احجز بسرعه وارجع للحوش نبيك
تيسير:حاااضر ي برنس
مالك:سسكر الخط ...وحط التلفون جنبه.....لتوا مافيش اي رد او شي منها او من اهلي معقوله ورد تطلع تحبني هلبا وتسكت ع الموضوع هدا ؟


ناصر:متنساش تعزم الي قتلك عليهم وتقولهم غدوه في غذاء
محمد:حاضر يابويا فهمت !


نهى:يابويا الناس قريب تجي راهو اطلع انتا وولدك البرا!
منيره:سكري فمك قليلة ادب!
نهى:تعرفو بالي مش مرتاح بوكل للفرخ مالك !
محمد:وصلته رساله....ناض من جنبهم طلع برا!


منيرة:لا حول الله تبي تسكتي وله اناديلك مالك يتصرف معاك
نهى:هههه ناديه عادي هدا لو جي وهوا اصلا يتمنا في الموت توا!
ناصر:علاش شن لكلام الي تقولي فيه ي نهى؟
نهى:قامت حاجبها...لوو تعرف ي بويا شنو قعد يصير من وراك؟
منيره:😨😨😨


فريده:نازله من الدروج ووراها ورد ...عمي خلاص احنا بنوقفو العرس ولدك مالك
ورد:فريده لا مش هكي اششش !
فريده:حولي من قدامي سساد خلاص لا تجيب شيخ ولا شي اتصلو بالكل وقولو اجلنا العرس وله اي شي المهم العرس مش راح يكمل!
نهى:حطت رجل ع رجل .....وتنفست بعمق وهدا الي كنت متوقاعته
منيره:والسبب علاش يافريده كيف يتأجل العرس بعد الحجوزات كلها وناس كلها عندها علم؟
فريده:لا ينتهي توا خير ماينتهي بطلاق وانتي عارفه انه ولدك مالك زواجه من اختي ورد كله منك انتي مش لأنه يباها !
نهى:براااافو!


ناصر:خلاص يامنيره اتصلي بي مالك واحكيله شن صار لو هوا فعلا يباها راح يتصرف معاها!
ورد:ساكته وتشوف للكل وبس ومش قادره تتكلم !
فريده:ورد هيا نركبو فوق خليهم هما يتصرفو وصدقيني مش راح يدير شي راح يفرح هلبا!
ورد:🥺 ونا شنو يصير فيا ؟
فريده:مش راح يصير شي ملهه فكه من واحد نسونجي 🔥


محمد:شنو تقول ياعبدو خيرك تخرط ليك ساعه
عبدو:تي يامحمد قتلك شفتها بي عيوني واقفه عليه
محمد:اليوم قتلي معندهاش كليه ومش راح تمشي وانتا جاي تقولي شفتها واقفه ي راجل
عبدو:تي شنو نكدب عليك يعني ؟ شنو بنستفيد وله امس تعرفني انتا؟
محمد:تنفس بعمق...تمام انا طالع بنوقف قدام شارعهم بنشوفها مروحه او لا وبعدها يصير كلام تاني
عبدو:تي منوووور لي للعشره الاف علاها وسسكر الخط
محمد:يمسح بيده ع وجه مش مني ياعبدو راهو وفاء حبي !🔥


محمد:جميل هلبااا ملامحه ع  القهوي نقشه ع صغير طوويل وعنده عضلااات وعايش علاقة حب ليه سنتين مع وفاء البنت  الدلوعه البنت الوحيده  لي اهلها وكان ميشوفش لي اي وحده غيرها كان راجل معاها طبعا يدرب هلبا ويحب الرياااضه وميحبش الغلط وكان اكتر شخص يوقف ضد خوه مالك لانه مش عاجبه الي يدير فيه ❤


ناصر:عاااار ولدك داره اتصلي بيه وخليه يتافهم مع البنت ويريحنا!
منيره:شنو بنقولهه يعني
نهى:نوضي ماما نوضي اطلعي برا واتصلي بيه ع الانفراااااد
منيره:شافت لنهى بعيون مغلوله! نا طالعه نكلمه ونجي !
ناصر:غير حاولي تسايريه وتخليه يتاسف ع الي داره
نهى:حقا مقلتش فريده شنو الي داره مالك؟
ناصر:لا مجبتش سيره لكن الباين شي كبير
نهى:لطفك ياااربي🙂


محمد:ركب سيارته وطلع ...وقف في بداية الشارع الي عايشه فيه وفاء!


ورد:تمسح في دموعها
فريده:خلاص ورد فتره وراح تنسيه وحاتعيشي حياتك صدقيني !
ورد:مش قادره ننسا مالك لو متزوجتاش يعني مش راح يكون ليا
فريده:وشنو فيها انتي يتمناك الف واحد احسسن واحلا وارجل منه توا فكري في نفسك بس!
ورد:ياااربي خليني قوويه قدامه ونسيني فيه متخلينيش نضعف قدام حبه يارب💔
فريده:تطبطب ع كتف ورد...صديقني حاتنسي وحانعيشو حياه طبيعيه بدون الي اسمه مالك مخربلك حياتك وهوا عايش حياته مع الخامرات يمشي سحيقه!
ورد:💔💔💔


محمد:وهوا يستنا في السياره ع نار يشوف لساعه ويبيه يفوت بسرعه ويطلع عبدو متلخبط لن جت عينه ع سيارة خووه وفااء خاشه لشارع وقفت قدام حوش وفاء بززبط وقعد يشووف وقلبه ع نار هل بتنزل وفاء او لا؟





نهى:خلاص ورد متزعليش روحك والله انتي بانسبه ليا اغلا من مالك عندي وفرحت هلبا انه صار هكي بجد انتي تستاهلي خير منه بي هلبا
ورد:وليش ولا مره جيتي وطلبتي مني نفسخ
نهى:لانه بصراحهه كنت متوقعه انه حايتغير وهكي بس مافيش فايده
ورد:وهيا تحول في شخشير شافت الحنه في رجلاها خدتت نفس بقووه ونااضت دخلت الحمام


محمد:كانت وفاء بين عيونها وهيا نازله من السياره ودخلت لحووشهم ....ع طوول اتصل باها


ترن ترن ترن
وفاء:الوو حبي
محمد:بصوت مصدوم وينك ؟
وفاء:اءءء كيف نضت بنشطب وكنت بنتصل بيك
محمد:قصدك ممشيتيش الكليه اليووم؟
وفاء:اءءءء لالا قتلك ممشيتش متعوده اندس عليك انا
محمد:وفاء انا كنت في شارعكم وشفتك لما نازله ومتحاوليش تكدبي او تنكري وغير هدا كله واقفه ع الكلب اليوم
وفاء:😨😨...ممم محمد اسمعني افهمني قبل
محمد:سسسكر الخط وطلع بسيارره وهوا متعصب!


منيره:ميردش اتصلت اكتر من مره
ناصر:مستغرب فيه ولدك هدا كيف يغلط ويورط فينا في مشاكل وهوا ولا ع باله؟
منيره:مش فاهمه شي راسي بيتفجر كنت نبيه يررد بس ونفهم منه؟
ناصر:شنوو بتفهمي منه غير انه غلط ومش راح يصلح شي
منيره:انا بنشوف ورد شوويه
ناصر:تمام يعني خلاص العرس مصارش منه
منيره:اهااا ياربي منه بس🔥


ورد:نهى طلعي لبضاعه كلها وحطيها في المخزن او شي معاش نبي نشوف اي شي
فريده:هزت براسها لنهى بمعنى ديري زي ماتبي!
....خلاص ورد اضحكي انتي ورد حرام تذبلي علشان وحده زيه
نهى:اي الحنه البسيلها شخاشير ومع الايام راح تتنحا وخليك قوويه متزعليش هوا ختار هكي مش انتي!
ورد:هززت برااسها ...ومش راح نفكر فيه تاني
فريده:ابتسمت ايوواه هكي خليك وصدقيني حايندم هلبا ع الي داره معاك
نهى:اي ورد والله خليك قويه حايصير زي ماتبي واكتر
منيره:السلام
كلهم:عليكم السلام!
منيره:شنو وضعك ورد توا
ورد:كويسه الحمدالله
منيره:متزعليش روحك انشاء الله سوء تفاهم وينحل!
نهى:مازال فيه حل بعد الي صار؟
منيره:انتي اسكتي وخلو ينحل الموضوع
فريده::ي عمتي مافيش شي راح ينحل مالك يبي هكي مش ضرف حكم فيهم!
منيره:لا مالك راح يتأسف ع كل شي صدقيني
نهى:اتصلتي بيه شنو قالك
منيره:مردش عليا
نهى:هههه شفتي هوا اصلا.متجاهلك قصصداا 🤷‍♀️
منيره:وقفت نا طالعه نتصل بيه تاني ونشووف رده
ورد:ضحكت بهززوه ع الحالتين انا نهيت الموضوع عمتي!💔
منيره:بخووف ....طلعت براا!
فريده:نجيب قهووة ونججي!


                    رواية شهوة ام حب ( روايات ليبية )           



🔥مـــيُـــلــو حــــسسـٰـــن🔥


🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥


محمد:نزل من سيارته وخلاه تلفونه يررن في السياره...دخل مغلووول ومتعصب فتح الباب بقوووة
فريده:حموووود رجعتتت😂
محمد:دفهاااا بقووه ....ودخل يجرري
فريده:افففف شنو هدا زعما شنو صايرر معاه محمد باش يتصرف هكي اكيد متعارك مع الست وفاء ...يااالا ماعلينا الي فينا مكفينا...ونزلت من الدرووج دخلتت للكووجينه!


مالك:كملت ترتيب الشناطي
تيسير:اي كل شي تمام مازال  الصبح نمشي للمصرف ونصرف باقي البطاقه والامور كلها لووز
مالك:كوويس ...لآنه مش معرووف امتا مروح بززبط
تيسير:معطل هلبااا يعني
مالك:احتمال كبيرر!






منيره:خززي  ع الولد هدا ردد ردد بعملته السووده هادي  بيخررب الخطه كلها!🔥


تيسير:امك تتصل ليها ساعه رد علاها  !
مالك:خدا التلفون ....وفتح الخط ...الووو!
منيرة:ايوا وينك انتا ؟ وشنو مداير؟
مالك:خلاص مدامه سامعه علاش تسألي فيا ؟
منيره:يعني ورد مبطلتش ع فاضي ؟ شنو قتلك انا بطل الي ادير فيه خلاص انتا بتتزوج وله
مالك:نضمي الامور انتي انا حتا الحوش مش راح اروحله الفتره هادي !
منيره:مرواح شنو توا تعالا تفاهم مع البنت وقولها تسامحك !
مالك:قررن حوااجبه ...عندها حق تاخد القرار الي مقتنعه بيه
منيره:شنو تلبز انتا تي الزواج كله توا وله بعدين راح يفشل انتا عارف علاش نبيها تكون مرتك خاصة السنه هادي وله ؟
مالك:قلتيلي يتيمه استر علاها مقلتيش في شي في راسك!
منيره:ارجع للحوش وخلاها ترجعلك راهو الحوش الي عايشين فيه توا
مالك:اختصري بالله عليك خيرا الحووش!
منيره:بأسم ورد!


فريده:تننهدتتت بقووه....طاحت منها طاسة لمياه...😮....يتبع!!

محبيتش نتعمقق في الاحداث هلباا خلوونا وحدده وحده لأنه الروايه فهااا عبببببرره حلوووهه هلبااااااا🔥🔥  

                                  يتبــــــــــــــــع!!






ليست هناك تعليقات