أخر المواضيع

رواية ليتك تستحقني كاملة - روايات ليبية الفصل التانى

\"رواية
رواية ليتك تستحقني كاملة  – روايات ليبية

#ليتك_تستحقني 💔+

الحلقه التانيه

بقلم الكاتبه :
🔥💛 مــــــــيـــــمـــــــي الـــشــــيـــــخـــــي 💛🔥

رغد مصدومة :لا مستحيييل لاااا نخلي الشي هذا يصير  مستحيييل انت ليا انا وبس
طلعت الصوره اللي في فونها : وربي ندفنها وهيا حيه كان جت شورك مستحيل حد ياخدك غيري
والله يا امال ح نخلي حياتك جحيم1

______________

تاني يوم ✨

نضت دوشت وصليت نزلت فطرت قهوة
امال :اوووه مشاءالله غريبه اليوم نايض قبلي
كرم :صاحبي متصاوب وماشي للمستشفى نديرله زياره
امال :لاباس عليه، حي وقت لازم نطلع توا مع السلامة
كرم :سلام
عديت للمعهد وكانوا بيبدوا محاضره

مسره ناضت صلت ولبست نزلت لوطه

طه : هيا متأخزين

مسره :اهوا جيت هيا

وركبوا السياره ماشيين للمستشفى

طه : بنخش نا انتِ ارجي هنا
مسره :حاضر

قمعزت مسره في الممر قعدت تراجي
كرم كان مار  من قدامها

كرم :نعليا من الطرف اللي مقمعز تعرفي شن ناقصك
مسره :شنو
كرم :رقمي
مسره: عدي الله يشفيك
كرم : انا مجنون بحبك
مسره :🤦🏻‍♀️🤦🏻‍♀️

انفتح الباب
الممرضه :انسه مسره يبيك الدكتور
مسره :حاضر جايه
كرم : مسره نعلي  اسمك حلو
كرم عزق رقمه وبعدها مشى

(طبعاً كرم قبل ما يطلع داير حسابه كاتب رقمه في أوراق ويعزق فيهن  تقريباً المستشفى كلها حصلت رقمه 😂🤦🏻‍♂️)+

الدكتور :تعالي يا مسره أرقدي هنا
طه شارو براسه بمعنى عدي
مسره رقدت والدكتور قعد يفحص فيها بالجهاز

بعدها جا قمعز

طه : شن الوضع

الدكتور :للأسف حالتها زادت سوء  قلبها ضعيف بالعلاج والكشف المستمر بالكتير سنه
مسره دمعت:شن قصدك يعني مازلي سنه
الدكتور : والله كان خاطري نقولك خبر احسن من هكي
. لكن هيقعد في امل لو صلنا متبرع
طه :مسره اهدي انا مازلت ندور على متبرع وانشاء الله ح نلاقيه
مسره اكتفت بالسكوت وطلعت بره قمعزت على الكرسي وانهارت بالبكاء
طه لحقها
طه مدمع وحضنها  : خلاص هيا مسره مستحيل نخلي شي يصيرلك
مسره ناضت وقعدت منزله راسها وتمشي وراه وكانت تبكي 
كرم: بونسيب
طه تلفت يشوف من  : اوووه كرم، وسلموا على بعضهم

طه :شن أدير هنا
كرم :صاحبي متصاوب وجيت نزوره
كرم يبحت في مسره اللي تبكي  :وانت أنشاء خير عليش جيت
طه :شويه شغل درته تبي شي
كرم :لا سلامتك
كرم طلع وهو يفكر عليش مسره تبكي+

ترن ترن ترن ترن

كرم :ألوو شن تبي يا مالك ما أدير شي جايك
وعدى جري لمالك

_____________

مــــــيــــمـــــي الــشـــيــــخــــي

ترن ترن ترن

عبير :ايوه
سميرة :السلام عليكم كيف حالك
عبير :وعليكم السلام الحمدلله بخير وانتوا كيف حالكم
سميره :كويسين الحمد لله، اسمعي نبوا انديروا الخطوبه الاسبوع الجاي
عبير :ششنو عليش مستعجلين
سميرة : نحنا موافقين وانتوا موافقين عليش نأجلوا حتى العرس نبوه الشهر الجاي
عبير : أء. خلاص براحتكم، مع السلامه يا حبيبتي
سميرة :مع السلامه

مسره خشت للدار تبكي

ختام خشت وراها وفتحت الباب
ختام:مسره كنك شن قالك الدكتور
مسره تبكي : قالي مازلك سنه وتموتي 😭😭
ختام انهارت :لا مستحيييل تموتي تو انتبرعلك انا
مسره زادت بكت
مسره :ختام سيبيني بروحي شويه
ختام :بس
مسره :خلاص سيبيني
ختام طلعت من الدار وهيا تبكي
مسره تدوي في سرها :لازم نتقبل الوضع حرام شن ذنبها ختام عشان تقعد تبكي عليا كل ما تشوفني لازم ننسى اني مريضه  ونعيش كل لحظه حلوه في حياتي انا راضيه بحكم ربي+

______________

روحت من المعهد خشيت للمظبخ نشرب اميه

خشت عبير
عبير :الخطوبه الاسبوع الجاي
امال شرقت :احم احم شنو قلتي كيف الاسبوع الجاي
عبير :كيف ما سمعتي الاسبوع الجاي الجماعه مستعجلين
طلعت من المطبخ ركبت داري انصدمت بكيت

بعد مرور اسبوع

مــــــيــــمـــــي الــشـــيــــخــــي

الاسبوع خذيت اذن غياب من المعهد  كله وانا منشغله في التحضيرات والفترة هذي طه ما كلمنيش بكل

يوم الخطوبه

كنت لابسه فستان موف خفيف قصير  ومنفوخ
وتسريحه حلوه وميك اب ثقييل 🔥

قمعزت على الكرسي واللي تبارك واللي تصور جت مسره قمعزت جنبي

مسره فرحانه :مبروك
امال :الله يبارك فيك يا عمري عقبالك ❤️
مسره بكسر خاطر : انشاء الله
امال :كنك  وجهك هكي لونه اصفر
مسره : صارلي هبوط
امال :لاباس عليك
مسره :ما تشوفي باس
ختام : طه بيخش

خش وكان شكله حلوووو كان لابس سروال اسود وسوريه سوده وجاكيت بيج وعطر كان مغرق المكان كان لبسني الدبله وطلع

رغد كانت تراقب فيهم بتموت وتتوعد لامال على شي مش كويس

كان شعوري عادي جداً على حسب علمي البنات في اليوم هذا يكونوا فرحانين

روحوا اهل طه مسره وهيا قدام الباب كرم شاور بيده بمعنى كلميني وغمزلها
ختام بهمس :كنه
مسره : تو نحكليك بعدين

روحوا كل المعازيم وانا جسمي مكسر مع اني ما درتش اي مجهود لكن تعتب من الملل خشيت الدار حولت الفستان خشيت الحمام (لكرمكم الله) وغسلت وجهي طلعت لقيت صمود راقده على السرير
صمود :نورتكم
امال :اوووف شن اللي جابك كان جت معايا وحده من البنات عليش انتي
صمود :تف💦، اسمعي نبي نسألك
امال :شنو
صمود :كيف متحملتيها البارده رغد حسيتها زق
امال :بالعكس تهبل وجوها حلو

صمود :حقيتيها كيف كانت تحبت فيكم حسيتها بتجي تقتلك
امال :هيا ديما نظراتها هكي لكن قلبها ابيض
صمود :حسيتها حقوده
امال :ليش كل ما تشوفيها اتعاركي معاها
صمود :هك كساد
صمود : اوووف جيعانه
امال :حتى نا
صمود : بننزل للمطبخ نشوف شن في يتاكل
امال :متطوليش نرجى فيك
نزلت صمود قعدت نراجي فيها بعدها رن فوني
امال :الووو
يحى :  سمعت انك انخطبتي مبروك
امال ساكت قلبي دق وعيوني دمعوا صوتي راح
يحى :عرفتيني

امال بصوت مبحوح :يحى
يحى :افسخي الخطوبه
امال :هبلت انت انا مستحيل نقعد حقيره زيك ونديرها
يحى :ننصحك نفسخي لانه صورتك عندي يا حلوه
امال :انا ننصحك انك تبعد عني لانه اوراقك وكل الجرائم والعفن اللي دايره  عندي
يحى انصدم :كيف جبتيهم 
امال :مش شغلك، اقسم بالله كان حاولت ترن عليا آخره وتطلع في طريقي نشيل اوراقك للشرطه
سكرت في وجها وحطيته في الحظر قلبي كان  يدق بسرعه وكنت مستغربه من قوتي كيف دويت معاه هكي

عند صمود

خشت تقلي في دحي خش مالك
مالك :احم السلام عليكم
صمود قلبها وقف عيونها دمعوا كانت مرايفه على صوته
صمود :وعليكم السلام
مالك :كيف حالك
صمود :بخير من ربي

حطت العشاء في السفره وطلعت تجري
مالك تهند : يا ريت لو تعرفي اني مازلت نحبك

صمود خشت وقمعزت
امال :كنك
صمود :ما كني شي هيا ناكلوا
امال :باهي
قعدنا ناكلوا ونهدرزوا نين صمود رقدت

لقيت مسره فاتحه قعدت نحكي معاها حسيتها مضايقه قعدنا نحكوا نين نعست ورقدت+

(مالك كان داير علاقه مع صمود وكان يحبها لكن خربت بيهم وحده من اللي كان مالك يحكي معاها من قبل صمود سيباته ومالك من يومها معش قعد يحكي مع جنس حواء بكل وخاطره يردلها كيف قبل)

______________

في الصبح

نضت لقيت صمود مازلت راقده وفاتحه فمها منظرها يضحك صورتها😂
خشيت الحمام(اكرمكم الله) دوشت وتوضيت وصليت
صمود ناضت
صمود بصوت ناعس :صباح الخير
امال :صباح النور، ماعندكش جامعه
صمود :قاعده صايعه ما عندي شي قاعده على قلبك
مسره :يا ساتر نوضي اغسلي وجهك
ناضت صمود للحمام (أكرمكم الله) راجيتها لبسنا انا بدله  سروال ابيض وسوريه سوده وجاكيت ابيض وسبيدرو اسود    وشاح اسود  صمود سروال اسود وسوريه ازرق ملكي وكندرة عاليه سوده  وشاح نفس اللون   ونزلنا مع بعضنا

كانوا مقمعزين على السفره يفطروا
صمود وامال : صباح الخيرر
عبير :صباح النور حبيباتي تعالوا
صمود : عدت قمعز وقعدت تاكل ومالك كان يراقب فيها وهيا توترت من نظراته
سميرة : اليوم تطلعي تجيبي دبشك
امال : اها اتفقت انا ومسره وصمود نطلعوا اليوم
كرم :من بيشيلكم
امال: نعدي بسيارتي مسره جايتني نمشوا مع بعضنا حتى رغد جايه
صمود بحتت فيها بنظره عليش جايه
امال : شن بندير يا صمود هيا قالتلي
سميرة : كنك معاها البنت يا صمود
صمود :ننقني ما حبيتها وحاسه ح تجي من وراها مصيبه كبيره
كرم : تبي الحق حتى وجها باين عليه غضب الله
تعرف يا مالك حتى بعد تحكي معاك تحسها تهزب مش تحكي
امال : انا نحبها وهيا بنيه كويسه ماشفت منها شي بالله عليك يا صمود ما تتعركيش معاها خلي اليوم يعدي على خير
صمود ناضت من ع السفره :نحاول

ترن ترن ترن
امال :الووو انتي برا باهي جايه
سميرة : من
امال :مسره برا نبي نفتحلها الباب
امال :خشي يا مسره
مسره :السلام عليكم
سميرة :وعليكم السلام تفضلي يا بنتي
مسره :الحمد لله يا عمتي صحه
كرم كان يبحت فيها ومبتسم
مسره : هيا
امال : ارجي شويه
امال بصوت عالي :هيا صمود
صمود :ارجوا شويه
مالك :واطوا حسكم+

دق دق دق

امال :هذي اكيد رغد
عديت حليت الباب
رغد :هااي
كرم : وعليكم الهاي
مسره ماسكه ضحكتها
صمود :جييت
رغد :سلاماً قولا من رب رحيم
صمود :شفتي من اللي يدور في الحس
امال :خلاص بنات هيا
امال :باي ماما
سميرة :ردي بالك من روحك+

______________

طلعنا من الحوش
وعدينا كل المحلات تقريباً جبت حاجتي كلها مازل الفيلو والكوافير و كانت في سياره تلحق فينا
مسره :السياره هذي تلحق فينا
صمود :تي حسيتها تلحق فينا من بدري
امال : متعدلوش عليهم
صمود :الطريق هذي فاضيه عدي من طريق فيها زحمه وناس
امال هي
بحركه سريعه جت السياره قدامنه
نزلوا منها  اتنين ملثمين
رغد : يا مامي شن يبوا
فتحوا الباب متاعي
امال 😨😨😨
#يتبع+

مــــــيــــمـــــي الــشـــيــــخــــي

مع تحياتي ❤️

 

ليست هناك تعليقات